المرة دى مش سهلة ابدا.....
مينفعش اننا نخبى الخنازير زى ما خبينا الطيور .....
مينفعش اننا منسمعش كلام بعض ونقول ما الحكومة ياما قالت ولا بتعمل....المرة دى نسمع كلامها معلش عشان محدش عارف ايه اللى هيحصل....
ارجوكم اعدموها.... اقتلوها .... احرقوها .... اعملوا اى حاجة المهم ما توصلش لهنا....
ومش هيحصل حاجة لو الحكومة منعت دخول السياح المكسيكيين والامريكان والاسرائيليين لمصر لحد ما الموضوع ده يخلص...
مش مهم كام مليون او حتى كام مليار قدام ارواح ناس بريئة طاهرة ذنبها الوحيد انها اتولدت فى الزمن ده...
الناس اهم من الفلوس .... من غير ما وزير الصحة يستنى لحد ما توصل الحالة الطارئة للرقم 6 او 7 او اى رقم تانى.... اعدموها كلها وعوضوا اصحاب الخنازير باللى يطلبوه....
يعنى هى الحكومة هتدفع كام مليون عشان تعدم الخنازير ولا حتى كام مليار ...
الناس اهم بكتير من الفلوس...
بلاش نعمل زى كل مرة ونستنى لحد ما المرض يدخل مصر بعد كده نفكر هنعمل ايه...عاوزين مرة واحدة فى حياتنا ناخد قرار صح قبل ما تحصل مشكلة....
وهو يعنى ايه السياحة هتنضرب لو منعنا السياح من الدخول لمصر... بكرة الناس دى تعرف كويس اننا كنا بنعمل كده عشان مصلحتنا ومصلحتهم ومصلحة العالم كله...
يعنى ايه كام مليون ولا مليار ولا حتى بليون او تريليون قصاد ارواح الناس اللى متعرفش كل ده بيحصل ليه...
ارجوكم اتحركوا بسرعة عشان مفيش حاجة تحصل...
مش مهم انا مع الحكومة ولا ضدها .... او مع الاخوان او ضدهم... مش مهم انا فى صحيفة قومية ولا مستقلة حزبية ولا منحرفة... مش مهم انا شغال مهندس ولا دكتور ولا ظابط ولا حتى حرامى..
المهم ان انا ابن البلد دى وليا ناس اخاف عليهم وعشانهم هتحرك وهحاول بأى طريقة انى امنع دخول المرض لمصر...
المهم انى اسيب البلد دى لغيرى وهما راضيين عنى وانى معملتش حاجة تضر بالبلد دى....
المرة دى بجد مش هزار....
ايمن صديق زيدان....
ليست هناك تعليقات:
إرسال تعليق